Shayari in Roman English has become a popular way to express emotions, thoughts, and feelings in impactful style. Whether you are searching for sad shayari, love shayari, attitude shayari in Roman English, this collection has something for everyone. From heart touching shayari to funny shayari in Roman English, you can easily find words that perfectly capture your mood.
People also love short and sweet formats like 2 line shayari in Roman English or romantic shayari for social media posts. Explore the best dosti shayari, Allama Iqbal shayari, and much more to express love, friendship, and emotions with style and depth.
Beautiful Shayari in Roman English
- Apne saaye se chonk jaate hain,
Umar guzri hai is qadar tanha. - Is jagah rehna kyun in shehron ke darmiyan,
Waqt saara jis jagah beja murawwat mein katay. - Aisa na ho yeh dard bane dard la dawa,
Aisa na ho ke tum bhi maddawa na kar sako. - Is haqeeqat ko samajhne mein lutaya kya kuch,
Mera dushman mera gham-khwar nahi ho sakta. - Hum bhi nawaqif nahi aadab-e-mehfil se magar,
Cheekh uthen khamoshiyan tak, aisa sunaata bhi kya. - Sab dekh kar guzar gaye ek pal mein aur hum,
Deewar par bane hue manzar mein kho gaye. - Nigah buland, sukhan dilnawaz, jaan-parsuz,
Yehi hai raht safar-e-meer karwan ke liye. - Main bhi bikra hua hoon apnon mein,
Woh bhi tanha sa apne ghar mein hai. - Agar tu ittefaqan mil bhi jaye,
Teri furqat ke sadmay kam na honge. - Meri mitti se bohat khush hain mere kooza gar,
Waisa ban jata hoon mein jaisa banate hain mujhe. - Es aalam-e-wiraan mein kya anjuman aarai,
Do roz ki mehfil hai ik umr ki tanhai. - Patthar ke jigar walon gham mein woh rawani hai,
Khud raah bana le ga bahta hua paani hai. - Zara ek tabassum ki takleef karna,
Ke gulzar mein phool murjha rahe hain. - Jurm mein hum kami karein bhi to kyun,
Tum saza bhi to kam nahi karte. - Chalo achha hua kaam aagai diwangi apni,
Wagarna hum zamane bhar ko samjhane kahan jaate. - Adaawatein thin, taghaful tha, ranjishen thin bohat,
Bichhadne wale mein sab kuch tha, bewafai na thi. - Kaar be kaar se aagay ka qadam leta hoon,
Jo banata hoon use tod ke dam leta hoon. - Karo shukr hai yeh inayat Khuda ki,
Bilaon mein aksar giriftar rehna. - Aaram ke thay saathi kya kya jab waqt pada to koi nahi,
Sab dost hain apne matlab ke, duniya mein kisi ka koi nahi.
Sad Shayari in Roman English
- Kitne majboor hain hum pyaar ke haathon,
Na tujhe paane ki awqaat, na tujhe bhool jaane ka hosla. - Ajab hain bandishein mohabbat ki,
Na hum ne qaid mein rakha, na woh faraar huye. - Itnay pyaar se chaha jaye to patthar bhi apne ho jaate hain,
Yeh mitti se bane log na jaane itne maghroor kyun ho jaate hain. - Kya khabar thi ke humein bhi mohabbat ho jayegi,
Humko bas uska muskurana achha lagta tha. - Samajh to yeh ke na samjhe khud apna rang junoon,
Mizaaj yeh ke zamaana mizaaj daan hota. - Ek khilish ko haasil umar rawan rehne diya,
Jaankar hum ne unhein na mehraban rehne diya. - Meri mohabbat ki haqeeqat tum kya jaano,
Sar jhukaya to tujhe manga, sar uthaya to tujhe manga. - Muhabbat karne wale dard mein tanha nahi hote,
Jo rootho gay kabhi mujh se to apna dil dikhaao gay. - Nayi mohabbatein Khalid, purani dostiyan,
Azaab kashmakash be amaan mein rehte hain. - Socha tha ab na karenge pyaar kisi se hum,
Teri adaayn dekh kar niyat badal gayi. - Ho nah paaye jab mukammal ishq ka qissa to phir,
Shehretein rehne do ab gumnaamiyan hi theek hain. - Is se poocho azab raston ka,
Jiska saathi safar mein bichhra hai. - Thokra ke chale jana hai barhaq tumhein lekin,
Bas rakhna khayal itna jahan ko nah khabar ho. - Pehle hi kya kam tamashe thay yahan,
Phir naye manzar utha laya hoon main. - Husan e qismat se hamesha fitrat,
Bakht bedaar raha khawabon mein.
Love Shayari in Roman English
- Nazar mili aankhein jhuki,
Bas itni si baat aur hum barbaad. - Ajab hai yeh mohabbat ki duniya,
Jo dil mein rehte hain wahi dard dete hain. - Ehsaas-e-mohabbat mein hum itna hi kehte hain,
Tere baghair bhi hum tere hi rehte hain. - Mere nazdeek aakar dekh mere ehsaas ki shiddat,
Mera dil kitna dhadakta hai sirf tere naam ke saath. - Yeh bhi ek tamasha hai ishq-o-mohabbat mein,
Dil kisi ka hota hai aur bas kisi ka chalta hai. - Tum se hi thi, tum se hi hai,
Mohabbat jo thi, mohabbat jo hai. - Ae sanam tu kab milegi, mein tujh se pyaar karunga,
Tu nah mili to qayamat tak tera intezaar karunga. - Karne hain agar shikwe mahboob se,
Phir chhor de mohabbat koi aur kaam kar. - Ghalat intikhab jaan bhi le leta hai,
Mohabbat agar sachi ho to jaan bhi le leti hai. - Meri sub hasratain mein awal hai,
Tere haath mein mera haath hona. - Hamesha mil ke rehne se nateejay neik hote hain,
Wahan lutf aata hai jahan dil ek hote hain. - Teri mohabbat ka har rang,
Meri rooh mein utar gaya,
Tujhe sochna, tujhe chahna,
Meri aadaton mein badal gaya. - Bas ek chhoti si haan kar do,
Hamare naam is tarah jahan kar do,
Woh mohabbatein jo tumhare dil mein hain,
Zuban par lao aur bayan kar do. - Kitne majboor hain hum pyaar ke haathon,
Na tujhe paane ki awqaat, na tujhe bhool jaane ka hosla. - Main chaahun bhi to woh alfaaz na likh paaun,
Jis mein byaan ho jaaye ke kitni mohabbat hai tum se. - Woh mere saath jift ho jaaye,
Dua maangoon ga taq raaton mein. - Dil kyun khincha jata hai is ki taraf ae Khuda,
Kya is ne bhi mujhe hasil karne ki dua maangi hai.
Attitude Shayari in Roman English
- Zara sa hat ke chalta hoon zamane ki riwayat se,
Ke jin pe bojh dala ho, woh kandhe yaad rakhta hoon. - Haara kar koi jaan bhi le le to manzoor hai mujhko,
Dhoka dene walon ko main phir mauqa nahi deta. - Main logon se mulaqaton ke lamhe yaad rakhta hoon,
Batein bhool bhi jaoon par lehjey yaad rakhta hoon. - Qaflay mein peechay hoon kuch baat hai warna meri,
Khaak bhi na paate mere saath chalne wale. - Sahi waqt par karwa denge hadon ka ehsaas kuch,
Talaab khud ko samundar samajh baithe hain. - Har ek shakhs se suno gay tum daastaan hamari hum,
Woh hain jo har mehfil mein dohraye jayenge. - Abhi to hum urooj par pahunchay hi nahi,
Aur logon ko intezar hai humare zawaal ka. - Jo log humein dekh kar jalte hain unhe kehna abhi,
To hum sadgi se chalte hain. - Tafseel se aagah karo ya mukhtasir bayan karo?,
Teri mehfil ke baray log mere naam se jalte hain. - Zameer bech kar shohrat paane walon,
Tumhare urooj se hamara zawaal acha hai. - Banane wale ne to mohabbat ka dars diya hai,
Nafrat karna to hum ne khud seekh liya hai. - Rakhta hoon andaaz apna,
Kisi aur jaisa banne ka shoq nahi. - Main wahan tak acha hoon,
Jahan tak aap ke mutabiq hoon. - Kya poochte ho kaisa hoon main,
Aqal thikane laga doon aisa hoon main. - Dikhaunga oqat kisi roz zamane ke khudaon ko,
Baadshahon ki mukhalifat ka mein bachpan se aadi hoon. - Hat kar chale woh hamse jise sar aziz ho,
Hum sar pheron ke saath koi sar phira chale. - Kisi ko acha nazar aaya, kisi ko bura nazar aaya,
Jo jaisa hai na sahib, usko waisa hi nazar aaya. - Qaid rehna hamari fitrat mein nahi,
Jo na tooti zanjeer to paon kaat aaye.
Heart Touching 2 Line Shayari
- Door reh kar bhi jo samaaya hai meri rooh mein,
Paas walon par woh shakhs kitna asar rakhta hoga. - Ab bas khatam bhi karo yeh baazi ishq ki,
Muqaddar ke haare huye kabhi jeeta nahi karte. - Nahi tark-e-mohabbat par woh raazi,
Qayamat hai ke hum samjha rahe hain. - Kuch to hai waise hi rangin lab-o-rukhsaar ki baat,
Aur kuch khoon-e-jigar hum bhi mila dete hain. - Ajab mohabbat karta hai woh shakhs,
Jab dil chaha chhor diya, jab dil chaha rula diya. - Kijiye apni nigaahon ko ek chehre par paband,
Har soorat par lut jaana toheen-e-wafa hoti hai. - Naye hain wasl ke mausam, mohabbatein bhi nayi,
Naye raqeeb hain ab ke adaawatein bhi nayi. - Log kehte hain ke tumse hi mohabbat hai mujhe,
Tum jo kehte ho ke wohshat hai to wohshat hogi. - Muskraaye meri maut pe woh munh phair ke daagh,
Hashr tak yaad rahega yeh tabassum mujhko. - Jo nigahon mein adaa ho, woh jawab aala hai,
Jo ishaaron mein ho poora, woh sawaal achha hai. - Tu mujhse doori badhane ka shoq pura kar,
Meri bhi zid hai tujhe har dua mein maangoongi. - Silsila-e-ishq bhi ajeeb tha mera,
Maine khud ko khud ke samne doobta hua dekha. - Bas itna yaad hai ke mujhe ishq hua tha,
Phir kya hua uski mujhe khabar nahi. - Na chahte hue bhi yeh ishq deewana bana deta hai,
Khuda dil to deta hai lekin dhadkan kisi aur ko bana deta hai.
Romantic Roman Shayari for Love
- Taweel asarat chhor jata hai,
Yun tera mukhtasar sa muskurana. - Tere Jamal ki tasveer khinch doon lekin,
Zuban mein aankh nahi, aankh mein zuban nahi. - Na poocho husn ki tareef hum se,
Mohabbat jis se ho bas woh haseen hai. - Haseen teri aankhen, haseen tere aansu,
Yahi doob jaane ko ji chahta hai. - Ab main samjha tere rukhsar pe til ka matlab,
Daulat-e-husn pe darban bitha rakha hai. - Us ke chehre ki chamak ke samne saada laga,
Aasman pe chaand pura tha magar aadha laga. - Uff wo marmar se tarasha hua shafaaf badan,
Dekhne wale use Taj Mahal kehte hain. - Faqat ek ka hone mein hi husn-e-bandagi hai Ghalib,
Jo roz qibla badalte hain woh be deen hote hain. - Bada wasi hai is ke Jamal ka manzar,
Woh aaine mein to bas mukhtasar sa rehta hai. - Qayamat hai tera yun ban sanwar ke samne aana,
Hamare dil ko chhodo, aaine pe kya guzarti hogi. - Chehra ghazal, hont khulte gulaab adayein dilnashi,
Dekh kar tujh ko husn ne bhi kaha, aafreen aafreen. - Meri nigah shoq bhi kuch kam nahi magar,
Phir bhi tera shabab tera hi shabab hai. - Teri soorat se kisi ki nahi milti soorat,
Hum jahan mein teri tasveer liye phirte hain. - Na ji bhar ke dekha, na kuch baat ki,
Badi arzoo thi mulaqat ki. - Saqi mujhe bhi chahiye ek jaam arzoo,
Kitne lageinge daam, zara nazar toh mila. - Teri ek muskurahat ke sadaqe,
Main apni saari khushiyan waar doon. - Mat pooch mere jagane ki wajah ae chaand,
Tera hi hamshakl hai jo sone nahi deta.
Dosti Shayari in Roman English for Best Friends
- Yoon lage dost tera mujh se khafa ho jana,
Jis tarah phool se khushboo ka juda ho jana. - Patthar to hazaaron ne maare the mujhe lekin,
Jo dil pe laga aakar ek dost ne maara hai. - Humein padhaao na rishton ki koi aur kitaab,
Padhi hai baap ke chehre ki jhriyaan hum ne. - Hum na honge to kaun manayega tumhein,
Yeh buri baat hai ke har baat par rootha na karo. - Door se dekha to bhens ki dhulai ho rahi thi,
Qareeb ja kar dekha to meri dost ki pitai ho rahi thi. - Dost kuch aur bhi hain tere ilaawa mere dost,
Kai sehra mere hamdam, kai darya mere dost. - Dil is liye hai dost ke dil mein hai jaaye dost,
Jab yeh na ho baghal mein hai dushman bajaye dost. - Dost jab zi-waqar hota hai,
Dosti ka miyaar hota hai. - Dost khush hote hain jab dost ka gham dekhte hain,
Kaisi duniya hai Elahi jise hum dekhte hain. - Taab nigah thi to nazara bhi dost tha,
Is chashm-e-nargis ka ishaara bhi dost tha. - Sun mere dil ki zara awaaz dost,
Ae mere mohsin mere hum-raaz dost. - Dosti aam hai lekin ae dost,
Dost milta hai badi mushkil se. - Woh koi dost tha ache dino ka,
Jo pichhli raat se yaad aa raha hai.
Emotional Mohabbat Shayari in Roman English
- Suno! Bas itna hai tum se kehna,
Hamesha mere hi ho kar rehna. - Alfaaz kaam padenge is ki tareef karte karte,
Magar dil na bhar saka is ki tareef mein likhte likhte. - Samajhta hi nahi woh mere alfaazon ki gehraai,
Meine har woh lafz keh diya jise mohabbat kehte hain. - Tera wujood intehai azeez hai mujhe,
Tere siwa nahi aata kisi pe pyaar mujhe. - Pyaar meine kiya bewafaa is se kyon kaho,
Usne kab kaha ke mujh se pyaar karo. - Qissay kahaniyon ki, had tak,
Mohabbat bohot khoobsurat hai. - Bas rooh ko aankhein bana kar raah tako,
Tamaam khel mohabbat mein intezaar ka hai. - Tamaam umr bhala kaun zinda rehta hai,
Siwa us ke, jise umr bhar mohabbat ho. - Tujh se ek aur taalluq bhi zaroori hai mera,
Ye mohabbat to kisi waqt bhi mar sakti hai. - Mere alfaaz na mukammal, mere misre adhure se,
Mera khulaasa hai mohabbat, meri tashreeh mat poocho. - Sakht haathon se bhi chhoot jaati hain ungliyaan,
Rishte taqat se nahi mohabbat se thaame jaate hain. - Kaun sa phir sawaal bachta hai,
Jab mohabbat jawaab de jaaye. - Pyaar hai tum se magar pyaar se dar lagta hai,
Pyaar mein dil ko mili haar se dar lagta hai. - Yek tarfa mohabbat is qabar ki maanind hoti hai,
Jiska koi waaris nahi hota. - Ishq yek tarfa tha ye maan liya hai meine,
Kaun kiya hai yehi ab jaan liya hai meine. - Jaise koi chor nahi sakta apna mazhab,
Aisa hi kuch aqeeda rakhte hain hum tere liye. - Nahi uthti nazar kisi aur ki taraf,
Paband kar diya teri mohabbat ne mujhe. - Zubaan zubaan mein mohabbat ka ward hai lekin,
Dilon dilon mein mazd waqt ka guzaara hai. - Mere dil mein utar sako to shaahid ye jaan lo,
Kitni khamosh mohabbat tum se karta hai koi.
Broken Heart Breakup Shayari in Roman English
- Ajab andaaz hai mere mahboob ki masoomiyat ka,
Main agar tasweer bhi dekho to woh palkein jhuka leta hai. - Main lafz dhund dhund ke thak bhi gayi,
Woh phool de ke baat ka izhaar kar gaya. - Tujh se kisne kaha ke mumkin hai,
Main rahoon aur mujh mein na rahe. - Is qadar us ki justuju hai mujhe,
Jaise duniya mein aakhiri ho woh shakhs. - Jise tahajjudon mein manga tha kabhi,
Use taq raaton mein bhulane ki dua ki hai. - Aaj bhi shehar mein pagal dil ko,
Teri deed ki aas rahi, aaj bhi shaam udass rahi. - So baar chaman mehka, so baar bahaar aayi,
Duniya ki wahi ronak, dil ki wahi tanhai. - Dil toot bhi jaaye to mohabbat nahi milti,
Is raah mein lut kar bhi khisara nahi hota. - Ajab teri hai, ae mahboob, soorat,
Nazar se gir gaye sab khoobsurat. - Kise banate meri jaan raazdaan dil ka,
Ke tere baad koi mutabar mila hi nahi. - Kuch log barson na dekhe kuch farq nahi padta,
Kuch log ek lamhe bhi aankhon se ojhal hote hain,
Dil udaas hone lagta hai bas saari baat ehsaas ki hai. - Is ko gharoor maan len ya phir adaaye yaar,
Jo guftagu ke sare saleeqe badal gaye,
Jis din use bataya ke woh sab se khaas hai,
Us din se us ke taur tareeqe badal gaye. - Karo talash to koi mil hee jaayega,
Magar meri tarah tumhein kaun chahayega,
Tumhein zaroor koi hasraton se dekhega,
Magar woh aankhein hamari kahan se laayega. - Dil bhool nahi sakta tujhe,
Dhadkanon ki zaroorat ho tum,
Tum se hai meri duniya haseen,
Meri pehli mohabbat ho tum. - Tum ne mohabbat, mohabbat se zyada ki hai,
Hum ne mohabbat, tum se bhi zyada ki hai,
Tum kya karoge mohabbat ki inteha,
Hum ne inteha se ibtida ki hai.
Comedy Funny Shayari in Roman English
- Aaj pehli dafa ek ladki ne number diya,
Khushi ke maare itna chuma ke 3 hindse hi mit gaye. - Sitaaron se aage jahan aur bhi hain,
Meri kashti wahan doobi jahan paani kam tha. - Baba ji kehte hain ke kisi bhi ladki ko ghoorna nahi,
Seedha aankh maro, agar hans pade to jhoolay laal, warna munh laal. - Duniya mein aisi koi thand nahi bani,
Jo shaadi mein jaati ladki ko sweater pehna sake. - Baba ji farmaate hain ek bahut purani kahawat hai,
Isliye mujhe bhi yaad nahi. - Kaash koi aisi khatarnaak dhamki sunne ko mile,
Zyada pareshan karoge to shaadi kar loongi tum se. - Kuch log charger ke saath aise lage hote hain,
Jaise mareez ko drip lagi ho. - Bachpan mein maar maar ke sulate the,
Ab maar maar ke uthate hain, pata nahi ghar wale mujh se chahte kya hain. - Apni juraaben dho kar pehna karein,
Yeh na ho ke kaamyabi aap ke qadam choomne aaye aur foot jaaye. - Kuch log itne dukhi gaane sunte hain,
Saath baitha banda bhi unke mehboob ko miss karne lagta hai. - Shauq-e-singhaar baja hai mera lekin,
Teri tankhah mere sadaqaat mein ud jaayegi. - Hamara nuksan na poochiye sahib,
Shaadi ho rahi thi ke aankh khul gayi. - Agar tum taaj bhi rakh doge sar par hukmarani ka,
Nahi hoga, magar raazi kabhi bhi dil zanani ka. - Abba ji farmaate hain; ladkiyaan kaanon mein itni,
Suraakh karwane ke baad bhi kisi ki nahi sunti. - Parhai ek khoobsurat ehsaas hai,
Ooper wali line bakwaas hai. - Ek to mujhe yaar ki judai maar gayi,
Aur doosra khoobsurat hamsayi maar gayi.